Бид Монгол улсын их сургуулиас гарааны бизнесийг дэмжих зорилгоор зохион байгуулдаг “Багш, оюутны стандарт” хөтөлбөрийн хүрээнд 2018 оноос үйл ажиллагаагаа явуулж эхэлсэн. Сэргээгдэх эрчим хүч хөтөлбөрийн багш, оюутнууд хамтран “Сууцны дулаан алдагдал хэмжих аян”-г жил бүрийн өвлийн улиралд амжилттай хэрэгжүүлж байна. Улаанбаатар, Дархан, Эрдэнэт хотуудын айл өрх, албан байгууллагуудын дулаан алдагдлыг хэмжилтээр тодорхойлж, зөвлөх үйлчилгээ үзүүлдэг.

Үнэт зүйл

  • Шинжлэх ухаан дээр суурилсан мэдлэг
  • Тогтвортой хөгжлийн үзэл баримтлал
  • Эрчим хүчний хэмнэлт

Эрхэм зорилго

Утаанбаатараас Дулаанбаатарын төлөө!

Алсын хараа

Сууцны дулаан алдагдалыг багасганаар халаалтын ачаалал болон агаарын бохирдлыг бууруулж, хүн амын эрүүл мэндийг сахин хамгаална.

МЭДЛЭГ, МЭДЭЭЛЭЛ ТҮГЭЭХ

Дулаан алдагдал болон дулаалгын талаархи үнэн зөв мэдээллийг түгээнэ.

Бид Facebook, Youtube, Instagram зэрэг олон нийтийн сүлжээгээр дамжуулан дулаалгын материал, стандартын дагуу дулаалгын ажил гүйцэтгэх, дулаан алдагдлыг бууруулах арга зам зэргийн талаар төрөл бүрийн контентыг олон нийтэд түгээдэг. Та биднийг дагаж, шинжлэх ухааны ул суурьтай, баталгаатай мэдээллийг аваарай.

ДУЛААН АЛДАГДЛЫН ЗУРАГ АВАХ

Өндөр нарийвчлалтай дулааны камераар байшин сууцны дулаан алдагдлын зураглалыг хийнэ.

FLIR SC620 маркын өндөр нарийвчлалтай, хэт улаан туяаны IR (Infra Red) дулааны камераар гэр, байшин, орон сууцны гадна тал, дотор талаас зураг авалт хийж, дулаан алдагдалыг хэмжиж, зургыг файлаар өгнө. 11 сараас 3 сарын хооронд зураг авалт хийх ба өглөө үүрээр, орой бүрэнхийд зураг авснаар илүү тод гарна.

Та байшин сууцны дулаан алдагдлаа хялбар тооцоолох боломжтой.

Байшин сууцны хана, шал, дээвэр, хаалга, цонхны бүтэц болон зузаанаас хамааруулан хэдий хэр хэмжээний дулааныг аль хэсгээр алдаж буйг тооцоолох боломжтой боллоо. Дулаалга хийх шаардлагатай тухайн хэсгийг дулаалахад гарах зардлын тооцоо, цаашилбал халаалтын зардлын хэмнэлтээр хэр хугацааны дараа дулаалга хийсэн хөрөнгө оруулалтаа нөхөхийг мэдэж болно.

Дулаан алдагдлын тооцоолуурлуу очих бол энд дарна уу.

ДУЛААЛГЫН МАТЕРИАЛ ХОЛБОН ЗУУЧЛАХ

Таны сууцанд тохирсон дулаалгын материалыг зуучлана.